mgawalangutangnaloob.!

Dapat namang tumulong sa kapwa e di ba. Tama yun. At masarap ang pakiramdam.
(Minsan naisip ko, bakit ba talaga tumutulong ang tao, para ba sa nangangailangan ng tulong o para sa sarili niyang peace of mind?)

Pero minsan may mga tao talagang parang walang utang na loob.

Netong first year college, may outreach yung INTACT sa isang "depressed community."
E di yey ang bait bait ko na a-outreach ako.
Kinausap ko yung mga bata, kasama si pareng Rey. Sabi nung batang babae, kamukha raw ni Rey si Joross. Pero sabi niya sa akin, "Kuya may kamukha ka rin e." E di nagtaka ako kung sino. Richard Gomez? Josh Hartnett? Brad Pitt? Lenny Kravitz? Sino kaya? Sabi niya, "Yung dumarating dito linggo linggo.. Yung nangongolekta ng basura." Ay takte. Barado ako pare. Natanong ko na lang siya, "Bata, nagsisimba ka ba? Magsimba ka a."

Tapos isang beses naman, galing ako sa Dunkin Donuts. Binabacking ko yung kotse tas inaalalayan ako ng isang watch-your-car-boy. Dahil nakalagay yung barya ko sa wallet ko, tinigil ko muna yung pag-atras ko tas dinudukot ko yung wallet ko. Para nga may mabigay ako sa kanya e no. Mabuti nga ang hangarin ko. Bigla niyang sinigaw, "Ang baaaaagal!" Ay #*&@#!^&! kumukuha nga ng pera para ibigay sa yo e!
Nung nakabacking na ako nang maayos, nung tumabi siya sa bintana ko para mag-abang ng barya, tinapakan ko ang gas at nagmaneho palayo, habang sumisigaw ng "Mabagal pala a!!!"